Արահետ
լեռնարշավային ամենամյա առաջնություն
Ի՞նչ է
«Արահետ»-ը լեռնարշավային ամենամյա առաջնություն է, որն առաջին անգամ իրականացվել է 2023 թվականին։ Առաջնության նպատակն է զարգացնել լեռնագնացության մշակույթը բնակչության շրջանում։ «Արահետ»-ը նախատեսված է 18 տարին լրացած բոլոր անձանց համար, ովքեր հետաքրքրվում են լեռնագնացությամբ։ Առաջնության մասնակցությունը 6 հոգուց բաղկացած խմբերով է։
16-ից 18 տարեկանները առաջնությանը մասնակցում են ծնողների համաձայնությամբ՝ չափահաս ավագի ուղեկցությամբ։
Ինչի՞ համար է
Առաջնության հիմնական նպատակն է լեռնագնացության մշակույթի և լեռնային պայմաններում բնակչության ֆիզիկական կարողությունների զարգացումը, որը զուգհեռաբար․
- նպաստում է մարդ-բնություն կապի ամրապնդմանը՝ ընդգծելով լեռնային տարածքների ուսումնասիրության և պահպանման կարևորությունը,
- ընդգծում է լեռնային սպորտի՝ որպես ակտիվ հանգստի առողջ և մատչելի միջոցի առավելությունները,
- խրախուսում է հայրենաճանաչությունը՝ ստեղծելով սեփական երկիրը նորովի բացահայտելու ձևաչափ,
- զարգացնում է ներթիմային համագործակցությունը լեռնային պայմաններում խնդիր կատարելիս,
- զարգացնում է առողջ հարաբերություններ արշավական, ռազմամարզական, սպորտային և այլ մասնակցող թիմերի միջև,
- նպաստում է արկածային զբոսաշրջության զարգացմանը` ուշադրություն հրավիրելով լեռնային շրջանների՝ որպես զբոսաշրջային եզակի ուղղությունների, ներուժի վրա, և նպաստում մարզային համայնքների առողջ զարգացմանը։
Ո՞ւմ համար է
«Արահետ»-ը նախատեսված է լեռնագնացությամբ և արշավական կյանքով հետաքրքրվող անձանց համար։ Մասնակցությունը «Արահետ» բաց առաջնությանը հնարավոր է միայն խմբային տարբերակով՝ 6 չափահաս անդամներից բաղկացած թիմերով։ Թիմը կարող է լինել կազմակերպություն, նախաձեռնություն կամ որևէ այլ կառույց։
Ինչպե՞ս մասնակցել
«Արահետ» առաջնությանը մասնակցելու համար անհրաժեշտ է՝
- ունենալ 6 անձից բաղկացած թիմ,
- իրականացնել գրանցում, որը սովորաբար բաց է ապրիլ ամսից և
- վճարել 60,000 դրամ թիմի մասնակցության վճար, որն ուղղվում է առաջնության կազմակերպմանը՝ ներառելով թիմերի ուղեփոխադրումը։
Մրցարշավի մեկնարկից հետո թիմը՝ ողջ կազմով, պետք է հայտնվի սահմանված բոլոր կետերում, հաջողությամբ կատարի առաջադրանքները և քայլարշավը եզրափակի վերջնակետում։ Տեղաշարժն ամբողջ երթուղու երկայնքով իրականացվում է միայն ոտքով:
Քայլարշավի ողջ ընթացքը վերահսկվում է կազմակերպող թիմի կողմից։ Լավագույն արդյունք ցուցաբերած 3 թիմերը պարգևատրվում են արժեքավոր մրցանակներով։
Ե՞րբ և որտե՞ղ
«Արահետ»-ը ամենամյա առաջնություն է, որը իրականացվում է հունիս ամսին։ Արշավական երթուղին ամեն տարի տարբեր է և միջինում կազմում է 25 կմ։ Այն նախապես ընտրվում և հայտարարվում է կազմակերպիչների կողմից՝ ներառելով Հայաստանի մեկ կամ մի քանի մարզեր։
«Արահետ 2024»-ի երթուղին՝ Սեմյոնովկա – Մեծ Մայմեխ – Եղջերվասար – Պարզ լիճ – Գոշավանք
«Արահետ 2023»-ի երթուղին՝ Գողթանիկ – Վերնաշեն գյուղ – Թեքսար – Սրկղոնք – Պռոշաբերդ լեռներ – Սպիտակավոր
Մրցանակներ
«Արահետ» լեռնային անցումների քայլարշավային առաջնությունը ամեն տարի առաջարկում է լեռնարշավային կյանքին առնչվող տարբեր մրցանակներ, այդ թվում՝ ԱԹՍ, GPS սարքեր, ռադիոկապի միջոցներ
«Արահետ 2024»-ի հաղթողները ստացել են մեր գործընկեր Hiking Shop Armenia-ի նվեր քարտեր՝ նախատեսված տարբեր արշավական պարագաներ ձեռք բերելու համար․
1-ին տեղ՝ ընդհանուր 720,000 դրամ արժողությամբ նվեր քարտեր,
2-րդ տեղ՝ ընդհանուր 360,000 դրամ արժողությամբ նվեր քարտեր,
3-րդ տեղ՝ ընդհանուր 180,000 դրամ արժողությամբ նվեր քարտեր։
2024-ի արդյունքները
Մասնակից թիմեր
Մասնակիցներ
Կամավորներ
Երթուղու երկարություն (կմ)
Ակնկալվող արդյունք
2025 թվականին նախատեսված է կրկնապատկել «Արահետ» առաջնության և՛ մասնակից թիմերի քանակը, և՛ մրցանակային ֆոնդը։ Առաջնությունը նաև հարուստ կլինի նոր ու հետաքրքիր բազմաթիվ հավելումներով։
Գալիք և հաջորդ տարիների ընթացքում «Արահետ» առաջնությունը դառնալու է մրցույթ-փառատոն՝ ներառելով նաև մրցութային այլ կատեգորիաներ՝ նախատեսված ոչ պրոֆեսիոնալ թիմերի համար։
Մասնակից թիմեր
Bardzunk
Արահետը՝ տարեթվերով
«Արահետ» լեռնային անցումների քայլարշավային ամենամյա առաջնությունն իրականացվում է 2023 թվականից։ Ստորև ներկայացված է մրցարշավի պատմությունն ըստ տարեթվերի։
«Արահետ 2024»-ը տեղի ունեցավ հունիսի 23-ին։ Երթուղին անցավ Գեղարքունիքի և Տավուշի մարզերով՝ ձգվելով Սեմյոնովկայից Մեծ Մայմեխ, Եղջերվասար, Պարզ լիճ և Գոշավանք։
2024 թ․ առաջնության մասնակցեց 20 թիմ․
– «North Peak» լեռնային ակումբ
– Ազատազէն
– «Խարույկ» արշավական ակումբ
– «Lavash» Tour
– TriClub EVN
– Երիտասարդական միություն
– «Թռիչք» արշավական ակումբ
– Hiking with Friends
– Շիրակացու ճեմարան
– «Վերելք» արշավական թիմ
– ММТ
– ArmLand
– «ԶԱՐԿ» ծրագիր
– «ՀայKing» արշավական թիմ
– Հայկական արշավներ
– Elevation Hiking
– ԱրմՍայբեր Սփորթս
– ՈՄԱ Գյումրի
– «Հայասա» արշավական թիմ
– «Կիսիր ճանապարհդ» արշավական թիմ
Երկրորդ տարին անընդմեւ հաղթող ճանաչվեց Hiking with Friends արշավական թիմը։ Երկրորդ և երրորդ մրցանակային տեղերը համապատասխանաբար գրավեցին TriClub EVN-ն և «North Peak» լեռնային ակումբը։
«Արահետ» լեռնային անցումների քայլարշավային առաջնությունը ամեն տարի առաջարկում է լեռնարշավային կյանքին առնչվող տարբեր մրցանակներ։
«Արահետ 2024»-ի հաղթողները ստացան մեր գործընկեր Hiking Shop Armenia-ի նվեր քարտեր՝ նախատեսված արշավական պարագաների ձեռքբերման համար․
1-ին տեղ՝ ընդհանուր 720,000 դրամ արժողությամբ նվեր քարտեր,
2-րդ տեղ՝ ընդհանուր 360,000 դրամ արժողությամբ նվեր քարտեր,
3-րդ տեղ՝ ընդհանուր 180,000 դրամ արժողությամբ նվեր քարտեր։
2023 թվականի հունիսի 18-ին Վայոց ձորում տեղի ունեցավ առաջին «Արահետ» լեռնային անցումների քայլարշավային առաջնությունը։ Երթուղու երկարությունը կազմեց 25 կմ՝ ձգվելով Գողթանիկից Վերնաշեն գյուղ և ներառելով Թեքսար, Սրկղոնք, Պռոշաբերդ լեռները և Սպիտակավորի վանքը։
2023 թ․ առաջնության մասնակից թիմերը․
– «North Peak» լեռնային ակումբ
– Ազատազէն
– «Խարույկ» արշավական ակումբ
– «Թռիչք» արշավական ակումբ
– Hiking with Friends
– ՏԱՄՊԱ – ՈՄԱ
– Ծովեր
– «ԶԱՐԿ» ծրագիր
– Ազգային լեգեոն ռազմահայրենասիրական ակումբ
– ՈՄԱ Բիձեքի ջոկատ
Առաջնության մրցանակային տեղերը՝
1-ին տեղ՝ դրոն
2-րդ տեղ՝ GPS սարք
3-րդ տեղ՝ ռադիոկապի միջոցներ
Հաղթող ճանաչվեց Hiking with Friends արշավական թիմը։
